هــــلا بك كثر ما كنت أرتجيك وكنت بك مغرور ....!!

Admin المساهمات : 242 تاريخ التسجيل : 21/10/2012

هـلابـك .. كـثـر ماكـنـت ارتجـيـك .. وكـنــت بـــك مـغــرور
هـلابــك .. كـثــر مـاصــاب الـبَـخَـتْ حـزنــي .. ولا صـابــك

هـلابــك كـثــر تقـلـيـب الـمـواجـع .. والـسـهـر .. والـجــور
كــثــر مــازارنــي وجــــه الــفــراق .. بـوحـشــة غـيــابــك

هـلابـك .. كـثـر ماكـنـت المـدائـن .. والـشُــرف .. والـــدور
كــثــر مـامـلّــت يــديـــن انـتــظــاري.. تــطـــرق ابــوابـــك

هـلابـك .. مــن ثــلاث سنـيـن .. أرددهـــا بـــدون شـعــور
لـيـا حــلّ الـمـسـآ .. قـلــت الـمـسـا جـابــك.. ولا جـابــك

عـلامـك ؟؟ عــلّ ماقـلـبـك حـزيــن .. وخـاطــرك مـكـسـور
عسـى مـاضـاق بــك صــدر الـزمـان .. وسـهّـر اهـدابـك ؟

علامك ؟؟ جيت في بالك ..؟ صحيح تحس بي ؟ مشكووووور
وربــي ماهـقـيـت ان الـزمــن يـصـحـى .. ويـصـحـى بـــك..!

ثــلاث سـنـيـن .. مـلّـيـت الـوجـيـه .. وضـحـكـة المـقـهـور
اقـــول انـــي سـلـيــت .. ولا سـلـيــت الا عــــن عـتـابــك

ثــلاث سنـيـن .. والاشــواق فــي صــدري عـلـيـك تـفــور
تهـيـضـهـا الـهــدايــا .. والـقـصـيــد .. وبــاقـــي اطـيــابــك

ثـــلاث سـنـيـن .. وطـيـوفـك كـريـمـه بـالـوهـم .. والــــزور
تـــصـــوّرك بـعــيــونــي كـــــــل مــاشــوقـــي تـغــنّــابــك

ثلاث سنين .. اجـي نفـس المكـان .. الموحـش المهجـور
اثــــر حــتــى الامــاكــن مـاتـزيــن الا مـــــع احـبــابــك ؟!

واثـر مــن حــبّ ماينـسـى ؟! واثــر قــاع الامـانـي بــور ؟!
واثـــر لـــو هـابـتـك كـــل الـرجــال .. الـحــب مـاهـابــك ؟!

حـبـيـبـي وفّــــر اعــــذارك .. قــبـــل مـاتـعـتــذر مــعـــذور
تــــرى قــلــبٍ عـنــالــك .. مـايــضــره لـــــو تـعــنّــا بـــــك

هـلابـك خــل كــل الـلـي مـضـى واقــرب .. وشــب الـنـور
بـقـلــبٍ يـشـعــل شـمـوعــك .. سـنـيــن .. ولا تـهـنّـابـك